Bruttoinlandsprodukt

Staate noch dr Hööchi vom nominale BIP
BIP (KKP) Vergliich (IWF, 2017, Top 10, nid gordnet)

S Bruttoinlandbrodukt (Abgkürzt BIP; änglisch Gross Domestic Product, GDP), git dr Gsamtwärt vo alle Güeter aa, d. h. vo alle Waare und Dienstläistige, wo innerhalb vom ene Joor innerhalb vo de Landesgränze von ere Volkswirtschaft häärgstellt worde si minus alli Vorläistige.[1] Es wärde also nume alli finaale Güeter, also Güeter uf dr Stuefe vo dr Ändverwändig, as Wirtschaftsläistig erfasst. Güeter, wo nit diräkt witerverwändet sondern glaageret wärden, wärde as Vorrootsveränderig berücksichtigt.

Im Underschiid zum Bruttonazionaaliikomme wärde bi dr Berächnig vom BIP nume d Läistige vo Inländer erfasst noch em sogenannte Inlandbrinzip. S Bruttonazionaaliikomme hingege richtet sich noch em Inländerbrinzip. Bi däm wärde au d Läistige vo Bürger berücksichtigt, wo im Usland lääbe. Wemm mä vom BIP d Abschriibige abziet, bechunnt mä s Nettoinlandbrodukt (NIP).

S BIP isch e Määss für die wirtschaftligi Läistig von ere Volkswirtschaft im ene bestimmte Zitruum. D Veränderigsroote vom reale BIP dient as Mässgröössi für s Wirtschaftswaggsdum vo de Volkswirtschafte und isch die wichdigsti Gröössi vo dr volkswirtschaftlige Gsamträchnig.[2]

S Bruttoinlandbrodukt cha sich uf Staate und au uf anderi administrativi oder geografischi Äihäite bezieh. Mänggisch brucht mä denn d Begriff Bruttoregionalbrodukt, Gross Provincial Product, Bruttowältbrodukt und äänligi.

Litratuur

  • Paul R. Krugman, Maurice Obstfeld: Internationale Wirtschaft. Theorie und Politik der Außenwirtschaft. 7. Uflaag. Pearson, Münche 2006, ISBN 978-3-8273-7199-7, S. 39 ff.
  • Thomson Datastream Navigator, Advance 4.0 Quarterly National Accounts, Copyright OECD, abgrüeft am 18. April 2008
  • Joseph E. Stiglitz, Amartya Sen, Jean-Paul Fitoussi: Mismeasuring Our Lives. Why GDP Doesn't Add Up New Press, Nöi York 2010, ISBN 978-1-59558-519-6
Other Languages
azərbaycanca: Ümumi Daxili Məhsul
беларуская (тарашкевіца)‎: Сукупны ўнутраны прадукт
Nordfriisk: BIP
客家語/Hak-kâ-ngî: Koet-nui Sên-sán Chúng-chhṳ̍t
Bahasa Indonesia: Produk domestik bruto
日本語: 国内総生産
한국어: 국내총생산
къарачай-малкъар: Бютеулюк ич продукт
مازِرونی: جی‌دی‌پی
Plattdüütsch: Bruttobinnenlandprodukt
norsk nynorsk: Bruttonasjonalprodukt
davvisámegiella: Bruttoálbmotbuvttadus
srpskohrvatski / српскохрватски: Bruto domaći proizvod
Simple English: Gross domestic product
татарча/tatarça: Тулаем эчке продукт
удмурт: ВВП
ئۇيغۇرچە / Uyghurche: مىللى دارامەت
oʻzbekcha/ўзбекча: Yalpi ichki mahsulot
vèneto: PIL