Tapyt van Bayeux

Willem die Veroweraar soos uitgebeeld op die Tapyt van Bayeux.
Halley se Komeet word as 'n voorteken uitgebeeld.

Die Tapyt van Bayeux (Frans: la Tapisserie de Bayeux) is een van die beroemdste Europese kunswerke. Die tapyt (of tapisserie[1]) is in die 11de of 12de eeu in Bayeux in die noorde van Frankryk gemaak. Dit is sowat 70 meter lank en 'n halwe meter hoog en verbeeld in 58 tonele die voorgeskiedenis van die Normandiese verowering van Engeland vanaf 1064 en die slag naby Hastings van 1066. Ondanks sy ouderdom van meer as 900 jaar is die tapyt steeds in 'n puik toestand en word in 'n museum in Bayeux, Frankryk, bewaar.

Die tapyt wat van linnegoed gemaak en met gekleurde wol geborduur is, het in die tyd van sy ontstaan as 'n soort naslaanwerk vir ongeletterdes gedien: dit het baie min teks bevat en die historiese gebeurtenisse is in kleurryke prentjies uitgebeeld. Die prentjies wat deur geborduurde boompies en torings van mekaar geskei word is vir die geskiedkundiges waardevolle bronne aangesien hulle die besonderhede van die destydse kleding, kapsels, skepe, geboue en wapenrustings illustreer.

Tydens die Franse Rewolusie is die waardevolle tapyt byna as 'n waseil gebruik, en daar ontbreek 'n klein stukkie aan die einde. Maar anders het hy selfs die geboue wat hy uitbeeld, oorleef. Danksy 'n spesiale verligting wat keer dat die kleure verbleik word hy nou veilig bewaar.

Verwysings

  1. HAT Taal-en-feitegids, Pearson, Desember 2013, ISBN 978-1-77578-243-8
Other Languages
አማርኛ: የባዬ ስጋጃ
Ænglisc: Baius tæpped
العربية: نسيج بايو
беларуская: Дыван з Баё
беларуская (тарашкевіца)‎: Дыван з Баё
български: Гоблен от Байо
español: Tapiz de Bayeux
Bahasa Indonesia: Tapestri Bayeux
íslenska: Bayeux-refillinn
Basa Jawa: Dèwangga Bayeux
Lëtzebuergesch: Tapisserie vu Bayeux
lumbaart: Aras de Bayeux
lietuvių: Bajė gobelenas
Bahasa Melayu: Dewangga Bayeux
Nederlands: Tapijt van Bayeux
norsk nynorsk: Bayeuxteppet
srpskohrvatski / српскохрватски: Tapiserija iz Bayeuxa
Simple English: Bayeux Tapestry
slovenščina: Tapiserija iz Bayeuxa
svenska: Bayeuxtapeten
українська: Гобелен з Байо
West-Vlams: Tapyt van Bayeux
中文: 贝叶挂毯