Olimpiese Somerspele 1988

Spele van die XXIVe Olimpiade
Olimpiesespele van 1988

Gehou inSeoel, Suid-Korea
Deelnemende lande159 Nasionale Olimpiese Komitees
Deelnemende atlete8 391 (6 197 mans, 2 194 vroue)[1]
Items237 in 23 sporte[2]
Openingseremonie17 September 1988
Sluitingseremonie2 Oktober 1988
Amptelik geopen deurPresident Roh Tae-woo[3]
Atlete-eedHur Jae (basketbal) en
Son Mi-na (handbal)
Beampte-eedLee Hak-rae (judo)
Olimpiese vlamChung Sunman, Kim Won-tak
en Sohn Kee-chung (atletiek)
Vorige Spele1984: Los Angeles (VSA)
Volgende Spele1992: Barcelona (Spanje)

Die Olimpiese Somerspele 1988 (Koreaans: hangoel: 서울 하계 올림픽; hanja: 서울 夏季 올림픽; Seoul Hagye Ollimpik), amptelik bekend as die Spele van die XXIVste Olimpiade, is tussen 17 September en 2 Oktober 1988 in Seoel, Suid-Korea, aangebied. Seoel is in 1981 tydens 'n kongres in Baden-Baden verkies (bo die Japannese stad Nagoja).

Die Olimpiese Stadion in Seoel

Dit was naas die Olimpiese Somerspele van 1964 in Tokio die tweede Somerspele, wat in Asië beslis is en die laaste, wat tydens die Koue Oorlog plaasgevind het. Tydens die spele het twee van die wêreld se dominante sportnasies vir die laaste keer deelgeneem, die Duitse Demokratiese Republiek en die Sowjetunie; albei lande is nog voor die volgende spele ontbind.

Noord-Korea (ondersteun deur sy bondgenoot Kuba), wat hom sedert die Korea-oorlog nog steeds in staat van oorlog met die suide bevind, het die spele geboikot; die laaste boikot van Olimpiese spele. Dit was ook die laaste spele waar Suid-Afrika weens sy Apartheidsbeleid nie kon deelneem nie. Ethiopië, Albanië en die Seychelle het nie op die IOK se uitnodigings gereageer nie.[4] Nicaragua het as gevolg van atletiese en finansiële oorwegings nie deelgeneem nie.[5] Die deelname van Madagaskar is verwag, maar dié land het weens finansiële redes onttrek.[6]

Die Olimpiese Winterspele 1988 is in Calgary, Kanada, aangebied. Die Paralimpiese Somerspele 1988 is tussen 15 en 24 Oktober in Seoel gehou.

Other Languages
Аҧсшәа: Сеул 1988
беларуская (тарашкевіца)‎: Летнія Алімпійскія гульні 1988 году
Bahasa Indonesia: Olimpiade Musim Panas 1988
Кыргызча: Сеул 1988
Nāhuatl: Seul 1988
norsk nynorsk: Sommar-OL 1988
srpskohrvatski / српскохрватски: Olimpijada 1988
Simple English: 1988 Summer Olympics