Nico Malan
English: Nico Malan

Johannes Nicholas Malan

Administrateur van Kaapland
Ampstermyn
28 April 1960 – 1 Junie 1970
Voorafgegaan deurDr. Josias Hendrik Otto du Plessis
Opgevolg deurAndries Hendrik Vosloo

Persoonlike besonderhede
Gebore8 Augustus 1903
Fort Beaufort
Sterf2 April 1981 (op 77)
Politieke partyNasionale Party

Dr. Johannes Nicholas Malan (1903–1981), beter bekend as Nico Malan, was 'n Suid-Afrikaanse prokureur, politikus en die administrateur van Kaapland.[1]

Malan is op 8 Augustus 1903 in Fort Beaufort gebore en is op 2 April 1981 in sy geboortedorp oorlede.[2]

Hy word op 28 April 1960 die waarnemende administrateur van die Kaapprovinsie, maar is op 28 April 1960 permanent in die pos aangestel. Na sy aanstelling het hy, ter wille van neutraliteit, sy persoonlike lidmaatskap as 'n dienende lid van die Nasionale Party opgesê. Hy was die administrateur tot 1 Junie 1970, waarna Andries Hendrik Vosloo die leisels by hom oorgeneem het.

Die gedenkplaat in die voorportaal van die Hoërskool Groote Schuur, wat administrateur Malan op 17 Junie 1964 ingewy het.

Op 17 Junie 1964 het hy die nuwe gebou van die Hoërskool Groote Schuur ingewy. Sy vrou het die skoolgebou oopgesluit en hy het die hoeksteen in die voorportaal onthul.

In 1968 is die Vryheid van Kimberley aan hom toegeken.[1]

Dit was een van Malan se ideale om die eerste skouburg (teaterkompleks) in Suid-Afrika te bou. Sy droom is bewaarheid en die Nico Malan-teater is in 1971 geopen. In Maart 2001 is dit hernoem na die Kunstekaap-teatersentrum, toe Kruik met die Kunstekaap-geselskap vervang is.[3]

Sien ook

Other Languages
English: Nico Malan