Lamantyn

Lamantyn
Wetenskaplike klassifikasie
Koninkryk:Animalia
Filum:Chordata
Klas:Mammalia
Orde:Sirenia
Familie:Trichechidae
Gill, 1872
Genus:Trichechus
Linnaeus, 1758
Verspreiding van die lamantyn
Verspreiding van die lamantyn
Spesies

Trichechus inunguis
Trichechus manatus
Trichechus senegalensis
Trichechus bernhardi

Die lamantyn of manatee (Trichechus) is 'n groot watersoogdier wat tot die familie Trichechidae behoort. Daar word geglo dat hul orde, Sirenia, meer as 50 miljoen jaar gelede van die ander vierbenige landsoogdiere geskei het; die diere wat die naaste aan hulle verwant is, is die olifante en die dassies.

Doegongs behoort ook tot die Sirenia en hulle noue verwantskap is onder meer te sien aan hul soortgelyke voorkoms: die twee families kan onderskei word deur hul skedel- en stertvorm. 'n Lamantyn se stert is in die vorm van 'n roeispaan, terwyl die doegong 'n gevurkte stert het.

Lamantyne is herbivore en bring die grootste deel van hul tyd in vlak water deur terwyl hul wei. Hulle lewe van waterplante, soos seegras, en kom in die varswatergebiede van Suid- en Sentraal-Amerika, in die Karibiese See en die Weskus van Afrika voor. Hierdie verspreiding dui ook die verskillende spesies aan:

  • Die Amasone-lamantyn (T. inunguis) kom aan die Ooskus van Sentraal- en Suid-Amerika voor en lewe in varswater. Hierdie lamantyn kan tot 3 m lank en 450 kg swaar word. Die Amasone-lamantyn lyk baie op die Karibiese lamantyn, maar is bietjie kleiner en het karakteristieke wit vlekke op sy bors en buik.
  • Die Karibiese lamantyn (T. manatus) kom op die Wes-Indiese eilande en die Karibiese See voor. Hy het 'n egalige grys kleur, maar kan soms groen voorkom as gevolg van alge wat op sy huid groei. Hierdie lamantyne kan tot 60 jaar oud word. Hulle het 'n lengte van tussen 2,5 tot 4,5 m en weeg tussen 200 en 600 kg.
  • Die Wes-Afrikaanse lamantyn (Trichechus senegalensis) is 2,5 tot 4,5 m lank en weeg tussen 200 en 600 kg.

Die Karibiese lamantyn is 'n bedreigde en nou ook beskermde diersoort. Die bevolkingsyfers het oorspronklik as gevolg van jagters gedaal, maar selfs na die dier beskerm is, hou menslike aktiwiteite steeds 'n gevaar in: die verspreiding van die mens hou in dat die diere se leefgebied kleiner word, terwyl die skroefenjins van motorbote en ingeslukte vishake en nylondraad verdere gesondheidsrisiko's inhou.

Bou en habitat

Lamantyne is aangepas vir lewe onder die water: hulle liggame is torpedovormig en hulle voorpote en stert is omgevorm tot vinne. Hulle agterpote het geheel en al verdwyn, hulle het geen oorskulpe nie en hulle kan hulle neusgate afsluit. Die lamantyn het opgeswelde, beweeglike lippe waarmee hy drywende seegras afslurp en het horingagtige plate op 'n harde verhemelte en in sy onderkaak om die kos te help kou. Hulle het slegs maaltande, waarvan die voorste twee mettertyd afgeslete word en dan uitval. Twee nuwe kiestande verskyn dan agter in hulle monde en die tande skuif op om die gaping voor in hul mond te vul. Mannetjies het twee kort slagtande in hul bokaak wat geen funksie blyk te dien nie.

Alhoewel hulle in die water lewe, is lamantyne soogdiere, wat beteken dat hulle elke drie tot vyf minute na die wateroppervlak moet kom om asem te haal. Wanneer hulle baie aktief is (en dus baie energie gebruik) sal hulle elke dertig sekondes na die oppervlak kom om asem te haal, terwyl 'n rustende lamantyn tot 20 minute onder water kan bly.

Other Languages
Alemannisch: Manati
Ænglisc: Sǣcū
العربية: خروف البحر
azərbaycanca: Lamantinlər
беларуская: Ламанціны
беларуская (тарашкевіца)‎: Лямантыны
български: Ламантини
brezhoneg: Ejen-mor
català: Manatí
Cebuano: Trichechus
čeština: Kapustňák
Cymraeg: Morfuwch
dansk: Manater
Ελληνικά: Μανάτος
English: Manatee
Esperanto: Manato
español: Trichechus
euskara: Trichechus
suomi: Manaatit
français: Lamantin
Frysk: Lamantinen
Gaeilge: Bó mhara
galego: Manatí
עברית: תחש נהרות
हिन्दी: मैनाटी
hrvatski: Lamantini
magyar: Trichechus
հայերեն: Լամանտիններ
Bahasa Indonesia: Lembu laut
íslenska: Sækýr
italiano: Trichechus
日本語: マナティー
la .lojban.: trixexo
Basa Jawa: Manatee
қазақша: Ламантиндер
한국어: 매너티
Latina: Manatus
Lëtzebuergesch: Ronnschwanzséikéi
Lingua Franca Nova: Manati
lietuvių: Lamantinai
latviešu: Lamantīni
Bahasa Melayu: Manati
Malti: Lamantin
Nāhuatl: Tlacamichin
Napulitano: Lamantino
Nederlands: Lamantijnen
norsk nynorsk: Manatar
norsk: Manater
occitan: Trichechidae
polski: Manatowate
پنجابی: سمندری گاں
português: Peixe-boi
Runa Simi: Manati
română: Lamantin
русский: Ламантины
sicilianu: Lamantinu
Scots: Manatee
srpskohrvatski / српскохрватски: Lamantini
Simple English: Manatee
slovenčina: Lamantínovité
shqip: Lamantina
српски / srpski: Ламантини
svenska: Manater
தமிழ்: கடல் பசு
Tagalog: Manati
Türkçe: Manatigiller
татарча/tatarça: Lamantin
українська: Ламантинові
oʻzbekcha/ўзбекча: Lamantinlar
Tiếng Việt: Lợn biển
Winaray: Trichechus
吴语: 海牛
中文: 海牛屬
Bân-lâm-gú: Hái-gû
粵語: 海牛