Charles Gounod

Charles Gounod
Charles Gounod (1890) by Nadar.jpg
Geboorte17 Junie 1818
Afsterwe18 Oktober 1893 (op 75)
Beroep(e)Komponis
Portal.svg Musiekportaal

Charles-François Gounod (Frans: [ʃaʁl fʁɑ̃swa ɡuno]; 17 Junie 181817 of 18 Oktober 1893) was 'n Franse komponis.

Charles Gounod (1818-1893) was een van 'n groep Franse komponiste wat in die laaste deel van die 19e eeu die tradisie van die Franse opera bewaar en ontwikkel het. Gounod is op 17 Junie 1818 in Parys gebore en het sy vroeë musiekopleiding van sy moeder ontvang.

Na hy 'n graad in die filosofie behaal het, het hy in die musiek onder Reicha, Halévy en Lesueur gestudeer. Nadat hy die Prix de Rome vir musiek verower het, het hy drie jaar in Rome gebly, die musiek van Palestrina bestudeer, Wenen en verskeie Duitse stede besoek en ook in Leipzig met Mendelssohn kennis gemaak. Na teologiese studie het Gounod hom tot die operaverhoog gewend, en hoewel Berlioz van 1851 al gunstige resensies oor sy vroeë pogings gelewer het, het die gehore betreklik onbegeester gebly.

Reeds in 1852 het hy begin werk aan sy meesterstuk, Faust, gegrond op Goethe se onsterflike drama. Hoewel Gounod ander geslaagde operas gekomponeer het, soos Mireille (1864) en Roméo et Juliette (1867). is dit Faust wat hom beroemd gemaak het en al sy ander werke oorskadu. Die kenmerkende eienskap van Gounod se musiek is die rykdom van pragtige melodieë.

Hoewel sy operas dikwels sentimenteel en selfs naïef is, het hy oorspronklik en vindingryk vir die stem en die orkes gekomponeer. In 1888 is hy 'n Grootoffisier van die Legioen van Eer gemaak. Hy is in 1893 in Saint Cloud, naby Parys, oorlede.

Verwysings

Other Languages
العربية: شارل جونو
български: Шарл Гуно
čeština: Charles Gounod
Ελληνικά: Σαρλ Γκουνώ
Esperanto: Charles Gounod
español: Charles Gounod
فارسی: شارل گونو
français: Charles Gounod
עברית: שארל גונו
hrvatski: Charles Gounod
Հայերեն: Շառլ Գունո
Bahasa Indonesia: Charles Gounod
italiano: Charles Gounod
ქართული: შარლ გუნო
қазақша: Шарль Гуно
한국어: 샤를 구노
Lëtzebuergesch: Charles Gounod
lietuvių: Charles Gounod
latviešu: Šarls Guno
македонски: Шарл Гуно
Nederlands: Charles Gounod
norsk nynorsk: Charles Gounod
português: Charles Gounod
română: Charles Gounod
srpskohrvatski / српскохрватски: Charles-François Gounod
Simple English: Charles Gounod
slovenčina: Charles Gounod
slovenščina: Charles Gounod
Türkçe: Charles Gounod
українська: Шарль Гуно
Tiếng Việt: Charles Gounod