Aleksei Leonof

Alexey Leonof in April 1974

Aleksei Leonof (Russies: Алексей Архипович Леонов) is 'n voormalige Russiese ruimtevaarder en afgetrede generaal-majoor van die Russiese Lugmag. Leonof was die eerste persoon in die geskiedenis wat 'n ruimtewandeling uitgevoer het. Die wandeling het op 18 Maart 1965 plaasgevind, toe hy die Voskhod 2-ruimtekapsule vir 12 minute verlaat het.

Beknopte biografie

Leonof is op 30 Mei 1934 in Listvjanka in die Kemerowo-oblast in Rusland gebore. Hy was een van twintig lugmagvlieëniers wat in 1960 vir die eerste groep ruimtevaarders gekies is. Leonof se eerste vlug, waartydens hy 'n ruimtewandeling vanuit die Vostok 11 sou uitvoer, is egter gekanselleer.

Op 18 Maart 1965 word Leonof aan boord van die Voskhod 2, die tweede en laaste bemande vlug van die Woschod-ruimteprogram, gelanseer. Tydens die vlug voer hy die geskiedkundige eerste wandeling in die ruimte uit.

In 1968 is Leonof gekies vir 'n vlug om die maan in 'n Sojoes-ruimtetuig. Alle onbemande toetsvlugte misluk egter en die Verenigde State wen die wedloop om eerste om die maan te vlieg. Die Sowjetunie gee die stryd gewonne en skrap al sy bemande vlugte na die maan.

Leonof aan boord van die Sojoes 19

Leonof se tweede en laatste ruimtevlug was aan boort van die Sojoes 19 as deel van die Apollo-Sojoes-toetsprojek. Die vlug is op 15 Julie 1975 gelanseer en is in die ruimte aan die Amerikaanse Apollo-kapsule gekonnekteer. Dit was die eerste koppeling wat tussen ruimtetuie van verskillende nasies bewerkstellig is.

Leonof het in 1991 afgetree. Hy is getroud met Svetlana Petrovna en het twee dogters, Vika en Oksana.

Other Languages
asturianu: Alekséi Leónov
беларуская (тарашкевіца)‎: Аляксей Лявонаў
български: Алексей Леонов
bosanski: Aleksej Leonov
čeština: Alexej Leonov
Cymraeg: Alexei Leonov
Ελληνικά: Αλεξέι Λεόνοφ
English: Alexey Leonov
français: Alexeï Leonov
Gàidhlig: Aleksey Leonov
Malagasy: Alexeï Leonov
македонски: Алексеј Леонов
Nederlands: Aleksej Leonov
português: Aleksei Leonov
Runa Simi: Alexey Leonov
română: Aleksei Leonov
Simple English: Alexey Leonov
српски / srpski: Алексеј Леонов
Türkçe: Aleksey Leonov